Microcement án samskeyta.

Sementsbundið efni sem er handlagt í 2–3 mm þykkt og lakkað. Útkoman er samfellt, samskeytalaust yfirborð með lifandi áferð, á gólf, veggi, borðplötur og í sturtur.

Já, þrjár stafsetningar á sama efninu. Microcement er alþjóðlega heitið, microsement og míkrósement eru íslensku útgáfurnar. Við notum microcement á síðunni, en þú finnur okkur undir öllum þremur.

Já, í langflestum tilfellum. Flísarnar þurfa að vera fastar, þá eru þær grunnaðar og fúgurnar jafnaðar með neti áður en microcementið er lagt. Ekkert niðurrif, ekkert ryk.

Veggir og baðherbergi eru oftast á bilinu 32–48 þúsund kr. á fermetra með efni, vinnu og vsk. Stór gólf eru ódýrari á fermetrann, lítil verk undir 10 fermetrum dýrari, því fötur, kantar og þurrktími vega jafn þungt hvort sem rýmið er lítið eða stórt. Sendu okkur myndir og mál og þú færð skriflegt tilboð samdægurs, ókeypis.

Meðalbaðherbergi tekur um eina viku, þar af er stór hluti þurrktími á milli umferða. Létt umferð er í lagi daginn eftir lökkun og full notkun, þar með talið sturta, eftir um viku.

Já. Í votrými notum við tilbúið microcement sem er vatnshelt í hverju einasta lagi, ekki bara í lakkinu, og undir sturtuveggi og gólf fer að auki þéttikerfi. Þess vegna dökknar það ekki af vatni og hentar í sturtur, á baðgólf og við vaska.

Engar fúgur. Microcement er ein samfelld heild, þannig að óhreinindi og mygla eiga sér hvergi samastað, og rýmið virkar stærra og rólegra. Það er líka lagt beint yfir gömlu flísarnar, svo niðurrif, ryk og gámur sparast.

Microcement fylgir undirlaginu. Ef undirlagið hreyfist getur komið hársprunga, þess vegna skiptir undirbúningurinn og netstyrkingin mestu máli. Komi sprunga má gera við hana staðbundið.

Með vatni og mildri, hlutlausri sápu. Forðastu súr efni, klór og grófa svampa, þau geta mattað lakkið. Mottur í sturtu og undir þungum húsgögnum lengja endinguna.

Tugir staðallita, frá hvítu og beis yfir í djúpgrátt og svart, og hægt er að blanda sérlit. Við komum með lökkuð sýnishorn heim til þín svo þú sjáir litinn í réttri birtu, og sýnishorn eru líka til hjá Gólfefnabúðinni.

Bæði eru samskeytalaus. Microcement er handlagt með spaða, 2–3 mm þykkt, með lifandi áferð og hentar líka á veggi. Flotgólf er hellt út og sjálfjafnandi, alveg slétt, og hentar vel í bílskúra, verslanir og vinnurými.

Í sumum tilfellum. Sérstakt kerfi er til fyrir útisvæði og verandir, en íslenskt veður, frost og raki fara illa með flest yfirborð. Við metum hvert verk fyrir sig og segjum hreint út ef við mælum ekki með því.