Microcement á gólf: eitt samfellt gólf í gegnum allt
Stofa, gangur, eldhús og þvottahús í einu lagi, án þröskulda, samskeyta eða lista. Microcement er lagt beint ofan á flísar, steypu eða flot í 2–3 mm þykkt, svo hurðir og innréttingar haldast eins og þær eru. Gólfin sem þú sérð hér eru lögð af okkur.
Af hverju microcement á gólf?
Microcement-gólf er ein heild. Engar fúgur til að þrífa, engir listar og enginn þröskuldur milli herbergja. Rýmið virkar stærra og rólegra, og áferðin er lifandi: spaðaförin og litbrigðin gera hvert gólf einstakt.
Það er lagt beint yfir það sem fyrir er. Gamlar flísar eru slípaðar og grunnaðar, steypa og flot grunnuð, og netið sér um að hreyfingar í undirlaginu komi ekki upp í yfirborðið. Ekkert niðurrif, ekkert ryk, og gólfið hækkar um þrjá millimetra, ekki þrjá sentimetra.
Gólfhiti fer vel með microcement. Efnið er þunnt og leiðir hitann vel, betur en parket og dúkur.
Einbýlishús, Reykjavík
Gangur með þakgluggum
Verslun, Laugavegi
Áferð og grip
Á gólf notum við miðlungskorn í yfirborðslögin. Það gefur meira líf í áferðina og betra grip en fínkornið sem fer á veggi. Lakkið er matt eða satín, tvíþátta pólýúretan, þrjár umferðir á gólfum með mikilli umferð.
Gólfið er ekki hálara en flísar. Þar sem þarf stamara yfirborð, í forstofu eða á stiga, bætum við hálkuvörn í lakkið.
Ferlið og tíminn
Gólf á bilinu 40–80 fermetrar tekur um viku, stærri gólf lengur. Stór gólf leggjum við með duftkerfi sem er hrært með vatni og hefur mjög hátt þrýstiþol. Á meðan er ekki hægt að ganga um rýmið, svo húsgögn þurfa að vera farin út áður en við byrjum.
Dagur 1
Slípun, ryksugun og grunnur. Glertrefjanet lagt yfir allt gólfið.
Dagur 2–3
Tvö grunnlög, pússað á milli.
Dagur 4
Tvö yfirborðslög í völdum lit.
Dagur 5–6
Porufyllir og þrjár umferðir af lakki.
Dagur 7
Ganga í sokkum. Létt húsgögn með filttöppum eftir tvo daga, þung húsgögn og mottur eftir mánuð.
Stofa, gólfið og kamínan
Lagt beint ofan á gamla gólfið
Kvöldbirta á gólfinu
Hvað kostar microcement-gólf?
Stærð gólfsins ræður verðinu. Stór, opin gólf eru ódýrasta leiðin í microcement, um 20–30% lægri á fermetrann en veggir, því fötur, kantar og þurrktími dreifast á fleiri fermetra. Minni gólf og mörg herbergi eru aðeins dýrari, því kantar og innréttingar sem þarf að vinna í kringum ráða tímanum. Sendu okkur mál og myndir og þú færð verð samdægurs.
| Stórir, opnir fletir | Lægsta verðið á fermetrann, um 20–30% undir veggjum |
|---|---|
| Minni gólf og mörg herbergi | Aðeins hærra á fermetrann, fer eftir köntum og herbergjum |
| Stigar og tröppur | Tilboð, fer eftir fjölda og formi |
Nákvæmt verð færðu á myndum og málum, samdægurs og ókeypis, með efni, vinnu og vsk. Í verðinu er slípun, grunnur og net, fjórar umferðir af microcementi, porufyllir og lakk.
Microcement, flotgólf eða epoxý?
Microcement
Handlagt, lifandi áferð, hentar líka á veggi og í votrými. Fyrir heimili, verslanir og veitingastaði þar sem útlitið skiptir máli.
Flotgólf
Hellt út og sjálfjafnandi, alveg slétt og einsleitt. Fyrir þá sem vilja ekki spaðaför, og sem undirlag þegar gólfið er ójafnt.
Epoxý- og flotgólfEpoxýgólf
Tveggja þátta plastefni, hart og efnaþolið. Fyrir bílskúra, iðnað og vinnurými þar sem álagið er mest.
Epoxý- og flotgólf
Spurtumgólf
Má leggja microcement yfir parket?
Sjaldnast. Parket hreyfist með raka og hita og það kemur upp í yfirborðið. Yfir flísar, steypu, flot og spónaplötur sem eru skrúfaðar fastar gengur það vel.
Þolir microcement-gólf hunda og stóla?
Já, með sömu umhirðu og parket: filttappar undir stóla og motta þar sem mest mæðir á. Klær rispa lakkið með tímanum eins og á öllum gólfefnum, og lakkið má endurnýja.
Hvernig þríf ég gólfið?
Ryksuga eða kústur og rakur klútur með hlutlausri sápu. Ekki klór, sýru eða skrúbbsvamp.
Hvað ef gólfið springur?
Microcement fylgir undirlaginu. Netið tekur minni hreyfingar, en komi hársprunga vegna hreyfingar í húsinu má gera við hana staðbundið.
Hafa samband
Segðu okkur frá verkefninu og sendu myndir af rýminu ef þú getur. Þá getum við oftast gefið verð strax.
Þjónustusvæði: höfuðborgarsvæðið og landið allt. Akstur reiknast utan höfuðborgarsvæðisins.
Eða beint